Hirigintza alorreko zinegotzi den Iñaki Izaguirrek azaldu duenez, hiru urtez luzatuko den esleipen honi esker -hiru urterako esleipena da eta beste hiru urtez luza daiteke-, “dirua aurrezteaz gain, herriak beharrezko dituen zerbitzuak eskainiko dira”. Beste gauza batzuen artean, lehiaketa publikoa irabazi duen enpresa saneamenduaren mantentzeaz arduratuko da, papera birziklatzeko edukiontziak aldatzeaz eta estolda-zuloak garbitzeaz.

Enpresaren egitekoen artean egongo dira, besteak beste, edukiontzien eta paperontzien garbiketa, oinezkoentzako espaloien garbiketa, eta galtzadaren garbiketa mekanikoa. Jai egunetan egin beharreko garbiketa, izotza aurreikusten den egunetan egin beharreko gatz botatzea eta “pipican” delako ontzietan jarri beharreko poltsen ardura ere enpresak edukiko du. Guzti honetaz gain, esleipendunak 365 egunetan eta 24 orduz asistentzia bermatuko du.

“Oso konforme gaude esleipenarekin. Uste dugu auzokide guztien onerako izango dela eta ziur gaude kaleetan ikusi ahal izango ditugula onurak”, gehitu du Izagirre zinegotziak.

Iturria: Ortuellako Udala