Muskiz herriak jaietako jantzia hartu eta XXXI. Nekazal Azoka ospatzeari ekingo dio igandean. Bizkaiko ortuarien erakusketa, Bizkaiko txakolinaren sariak eta zaldi lehiaketa izango dira meatzaldeko herri honetako gertakari nagusiak. Aldi berean, Muskizko merkatariek udal pilotalekuan egingo dute urtero egiten duten Aukeren Azoka. Muskiz herriko Joan Deunaren enparantzan egingo da igandean azoka baserriko produktuekin, bertako abelburuen erakusketarekin eta zaldi eta zalgurdi erakusketa. Baina, XXXI. Edizio honetako ekitaldi nagusia, Bizkaiko Txakolinaren Urrezko Domina emateko ekitaldia izango da. 

Nekazal Azokaren antolatzaileek 110 bat  stand jarriko dituzte bertan erakutsiko diren ortuari eta eskulanak erakusteko. Orain arte 150 parte hartzailek eman dute izena, besteak beste nekazariak eta abeltzainak. Kopuru hori behin behinekoa da oraindik eta izan daiteke baserritarren bat gehiagok parte hartzea.