Oraingo honetan, Bilduk salaketa aurkeztu zuen Borja Liaño Muskizeko alkatearen kontra, ustezko "informazio ukatze" bategatik. Kereila lehen auzialdian berehala eman zen amaitutzat, baina Bilduk errekurtsoa aurkeztu zuen Bizkaiko Entzutegian, auzia berriz irekitzeko eta,bide batez, ahalik eta zarata mediatikorik handiena sortarazteko, alderdi politiko horrek EAJ-PNVren ospe ona zikintzearren hartu duen ohiturari jarraituz. Bilduk ahaleginak egin arren, Bizkaiko Entzutegiak, kereila amaitutzat jo du, berriz ere.

Borja Liaño Muskizeko alkatearen esanetan "agerian geratu da Bilduren zinegotzia eta talde politikoa gezurretan ari direla. Jarduteko duten modu honek helburu bakarra du, hau da, udalerriaren alde lan egiten dugunoi kalte egitea. Denbora  eta esfortzua alferrik galdu dugu, beste gauza batzuk kudeatzen ibili beharko genukeen momentuan”.