Marce Elorza Zierbenako alkateak, aurrekontuen luzapenarekin eman dio hasiera urteari, udaleko jarduera gelditu ez

dadin. Horrez gain, gobernu taldearekin batera, datozen hamabi hilabeteetan Udalaren

jarduera markatuko duten hamar ardatz estrategikoak definitu ditu. Ardatz estrategiko

horiek hauek dira:

1. Oinarrizko zerbitzuak bermatzea

2. Zorroztasun ekonomikoa

3. Zierbena Aktiboa: osasuna eta kirola

4. Garraioa eta loturak

5. Hirigintza

6. Elkartasuna eta Gizarte Laguntzak

7. Gardentasuna

8. Hezkuntza eta prestakuntza

9. Enplegua eta jarduera ekonomikoa

10. Ingurumena eta iraunkortasuna

Jarduketa alor horiek, 5.565.716 €-koa izango den 2014ko gastu aurrekontuan sartu

dira, eta udal jardueraren zeharkako ikuspegia dute, ardatz bakoitzean integratutako

helburuak bilatzen dituzten sail guztiek aurrera eramandako jarduketak elkartuz.

Alkatearen eta bere taldearen lehenengo helburua, biztanle guztiek Oinarrizko

Zerbitzuak bermatuta izatea da: hiritarren segurtasuna, ingurumen osasuna,

saneamendua, ur hornidura eta banaketa, hondakinen kudeaketa eta bideen garbiketa,

eta egoera onean egongo den hondartza, Zierbenako baliabide natural nagusia baita.

Kontzeptu horietara 987.370 € bideratuko dira, eta horrela Udalaren lehentasuna

izango dira.

Ondoren, erakundearen jardute egokia bermatzera bideratutako gastu guztiak

Zorroztasun Ekonomikoaren ardatzean sartu dira. Ardatz horretara 885.891 €

bideratuko dira. Zer sartzen da atal horretan? Kudeaketa egokira, eraginkorrera eta

zorrotzera bideratutako guztia: udal programen ebaluazio sistemak, administrazio eta

langile gastuak, ondarearen kudeaketa, telefono bidezko komunikazioak, gobernuari

eta udalari laguntzeko gastuak, aseguruak, mantentze-lanak, etab.

Marce Elorza Alkatearen beste helburu nagusietako bat, bere ezaugarrien artean,

osasunaren, ohitura osasungarrien eta kirolaren alde egindako apustua duen udalerri

bilakatzea izango da, horrela bertako biztanleen bizitza kalitatea hobetu egingo delako.

Horrela, Zierbena Aktiboa jarduketa ardatzaren barruan, Udalak 743.800 € inbertituko

ditu hezkuntza fisikoarekin, kirolarekin, ospakizunekin eta jaiekin erlazionatutako

ekintzetan. Aisia ere oso modu egokia da herria, kanpoko pertsonek ezinbestean

bisitatu behar duten puntu bilakatzeko, eta horrek onura ekonomikoak ekarriko dizkie

Zierbenako zenbait jarduera sektoreri.

Gizarte galipoarentzat bizitza atseginagoa eta erosoagoa egiteko helburuz, laugarren

ardatza Garraioan eta Loturetan zentratuko da. 675.000 € hartuko dituzten partida

horiek, Zierbenako errepideak, auzoetako bideak eta bide publikoak hobetzera

zuzenduko dira, eta baita lurreko eta itsasoko oinarrizko azpiegiturak hobetzera ere.

Zierbenarentzat, Hirigintzaren eta arkitekturaren atala ere oso garrantzitsua da, herriko

gizarte eraikinak eta etxebizitzak egoera onean egon behar direlako, horien gozamena

bermatzeko. Atal horrek gastuen aurrekontuko 669.030 € jasoko ditu.

Konpromisoa bertako jendearekin

Zierbenan bizi diren pertsonek gizarte alorreko onurez gozatzen dute, horretarako

aukera ematen duen maila ekonomikoa duen udalerria delako. Hori dela eta, ez dira

baztertzen laguntza beharra duten pertsonei laguntzera bideratutako partidak, eta

607.200 € aurreikusten dira Elkartasuna eta Gizarte Laguntzak izeneko ardatzerako.

Planteamendu horiek, jarduketa ardatz estrategikoak definitzea eta horietako

bakoitzera bideratuko diren kopuruak eskaintzea, Udalak aurrera daraman

Gardentasunaren filosofiari erantzuten diote. Zierbenak 350.000 € inbertituko ditu,

helburu gisa erregulazio ekonomikoa izango duten sistemetan eta izapideetan.

Zortzigarren ardatza herriko biztanleen Hezkuntza eta Prestakuntza da, eta bertara

350.000 € bideratuko dira. Atal horren barruan sartzen dira txikien zein nagusien

gaikuntzara zuzendutako laguntza eta programa guztiak. Ildo horri dagokionez,

Zierbenak 199.995 € inbertituko ditu 2014an sustapen eta enplegu jardueretan, ahal

den neurrian, bertako biztanleen lan egoera hobetu ahal izateko.

Xehatzearekin amaitzeko, Udalak ingurumenaren eta iraunkortasunaren aurrean duen

ardura azpimarratu behar da. Hori dela eta, 132.430 €-ko partida bideratuko da alor

horretara. Bertan, ingurunea kontserbatzera zuzendutako programa guztiak sartu dira,

eta baita iraunkortasunaren alor guztiak sustatzera zuzendutakoak ere: kontsumo

arduratsua, etxebizitza, energia, etab.

Udalak ilusio handiz ekin die hamabi hilabete hauei, bere jarduketa eremuak oso ondo

markatuta geratu direlako. Konpromiso guztiak betetzea da udal galipoan lan egiten

duten pertsona guztien eguneroko erronka.

Laburpena:

Oinarrizko zerbitzuak 987.370,00 €

Zorroztasun ekonomikoa 885.891,00 €

Zierbena Aktiboa: osasuna eta kirola 743.800,00 €

Garraioa eta loturak 675.000,00 €

Hirigintza 669.030,00 €

Gizarte laguntzak 607.200,00 €

Gardentasuna 350.000,00 €

Hezkuntza eta Prestakuntza 350.000,00 €