Ortuellako agintari nagusiak azaldu duenez, bilera hauek bi hilerik behin egingo dira eta alderdi politiko guztietako ordezkariek hartuko dute parte. "Solasaldi bakoitza egin baino lehenago, interesatu guztiek galderak eta proposamenak planteatzeko aukera izango dute  coloquiociudadano@ortuella.biz helbide elektronikoaren bidez”, esan du Nebredak eta prozesu honetan "Herritarren Udal Behatokiaren lankidetza" izango da, "erakunde hori arduratuko baita eguneko gai zerrenda egiteaz eta topaketak dinamizatzeaz".

Lehen hitzordua azaroaren 3an izango da 19:00etan Uriosteko Gizarte Etxean. Herritarrek galderak eta proposamenak aurkezteko epea iragan urriaren 21ean  hasi eta 28an itxi zen. Solasaldi hauetarako aurreikusi den egutegiaren arabera, hurrengo bilera urtarrilaren 12an egingo da Aiegako herritarren Elkartean; bi hilabete geroago ,martxoaren 2an, Gorbea Aretoan egingo da, maiatzaren 4an OKEn, uztailaren 6an La Raleran eta irailaren  14an Intxaurdin.

“Ortuellako auzo guztietako herritarrak animatu nahi ditugu ekimen honetan parte hartzera" adierazi du Nebredak.