Ezkerraldea - Meatzaldea

Prentsa Aretoa

2020/02/11

EBBk bere hautagaiak aukeratzeko barne prozesuaren epeak doitu ditu A-5erako eta aukeraketa otsailaren 24an amaituko da

Iñigo Urkullu eta Bakartxo Tejeria dira, hurrenez hurren, Lehendakarigai eta Eusko Legebiltzarreko presidentegai bakarrak

rss Ezagutzera eman
EBBk bere hautagaiak aukeratzeko barne prozesuaren epeak doitu ditu A-5erako eta aukeraketa otsailaren 24an amaituko da

ARGAZKIA JAITSI

EAJ-PNVren Euzkadi Buru Batzarrak atzo Sabin Etxean egin zuen bileran eta Aberri Berme eta Zaingo Batzordeari kontsulta egin ondoren erabaki zuen Eusko Legebiltzarrerako hauteskundeetarako hautagaiak hautatzeko barne-prozesuaren epeak doitzea; horrela, prozesu hori martxoaren 2a baino lehen amaituta egongo da, egun hori baita euskal alderdi politikoek apirilaren 5eko hauteskundeetara eramango dituzten zerrendak aurkezteko azken eguna. EBBk gaur goizean bertan bere Uri Erakunde guztiei igorri die egutegi berria, bigarren hautespen aldia nabarmen laburtuta. Barne prozesuaren bigarren bozketa atzo hasi zen eta otsailaren 20ean amaituko da. Herrialde Batzarrak otsailaren 21ean eta 22an egingo dira, eta behin betiko zerrendak onetsiko dituen Aberri Batzarra otsailaren 24an, astelehena, egingo da Sabin Etxean.

Iñigo Urkullu eta Bakartxo Tejeria dira, hurrenez hurren, Lehendakaritzarako eta Eusko Legebiltzarreko Presidenterako b hautagai bakarrak, beraiek baitira Uri Erakundeen babesa jaso dutenak barne prozesu honen bigarren itzulira igaro ahal izateko.

Posta bidezko botoa
Next Euskadi