Udaltzaingoaren bitartekaritza zerbitzua hiru pertsonek osatzen dute, lehen mailako udaltzain bat eta bi udaltzain dira, eta herritarren arteko arazo eta gatazkak  jarrera proaktiboarekin konpontzen saiatzen dira. Lehenengo eta behin, gatazkan dauden  pertsonei entzuten zaie eta bizikidetza hobetzeko eta epaitegietara joatea saihesteko akordioa proposatzen zaie. Borondatean oinarritutako bitartekaritza eredua da, eta parte ezberdinek erabaki askeak hartzen dituzte. Bitartekariaren parte hartzea bitartekaritza aktiboan oinarritzen da gatazkan dauden parteen arteko arazoak konpontzeko .

Lehen hiru hilabeteetan izan dituzten 40 kasuetatik, 23 dira zarata arazoak  eta 6 dira mehatxuak. Gainerakoak dira zikinkeria arazoak, animaliek eragindako arazoak, pintada iraingarriak, hezetasun arazoak, zaindu gabeko adingabeak, eta kutsadurak eta ibilgailuek eragindako gatazkak.

Balorazioa egiteko orduan, Udalak azpimarratu nahi izan du oso pozik dagoela Bitartekaritza zerbitzu honek orain arte egin duen lanarekin, ondo konpondu diren kasuak asko direlako eta zerbitzua martxan jarri zenean zeuden aurreikuspenak gainditu direlako. Etorkizunera begira, lan talde honengandik espero da bizikidetza hobetzen laguntzea, herritarren arteko arazoen eraginez harremanak gaiztotu diren erkidegoetan.